Feeds:
Posts
Comments

Archive for the ‘કવિતા’ Category

બેધડક..

બેધડક છાતી સરસો ચાંપી શકાતો નથી,

ને વળી આ સંબધ કાપી શકાતો નથી.

વહી જાય છે અાંખ સામે થી પુર ના પુર,

અા સાલ, વેદના નો વરસાદ માપી શકાતો નથી.

રણની જીંદગી પ્રસરી રહી છે ક્રમશ:

તોય ઠંડુ છે મન ને તડકો તાપી શકાતો નથી.

તારા વીના પણ જીવી શકાય છે એવુ માનીને,

નક્કી કરુ છુ ના, ને તારો કોલ ઉથાપી શકાતો નથી

રાખી શકાતો નથી કે આપી શકાતો નથી

ને વળી આ સંબધ કાપી શકાતો નથી.

-પાર્થ

 

 

 

Advertisements

Read Full Post »

મન.

તારુ મન ક્યા કળી શકાય છે?
સમયને થોડો છળી શકાય છે?

આ વરસે ચોમાસુ બારમાસી છે,
મન થાય એટલુ પલળી શકાય છે.

હવે એવી તરકિબ શિખી ગયુ છે મન,
તારુ મૌન પણ સાંભળી શકાય છે.

પછી એક નદી ફૂટે છે લોહીમા યાદની,
ને સાંજ સમુ આંખે ઝળહળી શકાય છે.

ન ભળી શકાય છે, ન લળી શકાય છે.
આ અહમથી માત્ર બળી શકાય છે.

-પાર્થ (૨૮ મી જૂન ૨૦૧૦, સવારે ૯:૦૦)

Read Full Post »

કેવુ છે?

કેવુ છે? અમે તો ઉદાહરણ પણ નથી બની શકતા,

કોઇકના ચાહવા માટેનુ કારણ પણ નથી બની શકતા.

હળવાશની અાબોહવા લાવી છે અસ્થિરતા એવી,

કે એમના હદય પર ટકી જઇએ એવુ ભારણ પણ નથી બની શકતા.

ઘણુ ઇચ્છીએ કે આ દુનિયા ને સ્વપ્નિલ બનાવિએ,

ફૂલો ભર્યુ ધારીએ તો વાતાવરણ પણ નથી બની શકતા.

ગંભીરતા ઠઠાડી દિધી છે, ચહેરા પર હકિકતો એ,

મન માં તો મન માં બાળપણ પણ નથી બની શકતા.

હુ શોધ્યા કરુ છુ મારી અંાખોમા એમની આંખો ને,

એ હસી ને કહે છે, “તમે તો દર્પણ પણ નથી બની શકતા”.

-પાર્થ

Read Full Post »

વાત.

વાત વિનાની વાત….કર,

દિવસ વિનાની રાત….કર.

હું ફૂલ સુંઘ્યાની કલ્પના કરૂ,

તું ખૂશ્બુ જેવી મુલાકાત કર.

ગમગીન છે અાકાશ મૌનનુ,

સ્મિતોની સળંગ બિછાત કર.

સાત ર્પવતો જેવી હથેળી અોળંગી,

ઉગમણા સ્પર્શોની સોગાત કર.

ગીત જન્મવાની ઘડી છે સાંભળ,

અાલિંગનો સમા સ્વર સાત કર.

દિવો ઓલવવાની ઉતાવળ ન કર,

પહેલા મનમા અડાબીડ એકાંત કર

-પાર્થ

Read Full Post »

હવે એ વાત પણ પહોંચી જશે એક એક જણ સુધી,
કે સાલી તરસ અમને ખેંચીને લઇ ગઇ છેક રણ સુધી.

કબૂલ છે કે જીંદગીના ચક્કર વચ્ચે તમે પણ પિસાયા હશો,
જીવવાની એ હકિકત અમારા માટે વિસ્તરી મરણ સુધી.

લખવાનુ હતુ એટલે લખી શકાયુ કે કંઇ નથી લખવામા,
ક્યારેક કલમ વિસ્તરતી નથી, ને ક્યારેક પહોંચાતુ નથી કારણ સુધી

તારા વિશેની કલ્પનાઓને બાથ ભરી આ સાંજ જીવુ છુ,

એક પણ જો એંમાથી વિસ્તરે તારા શરણ સુધી..

-પાર્થ

Read Full Post »

સપના..

કોક સળગતા સૂરજ થી ઠારે  છે સપના
કોકની ભૂખ ભાતની જેમ વઘારે છે સપના
તુ રાતભર પાસા બદ્લે રાખે છે ઊંઘમા,
લાગે છે તારી પાસે ખાસ્સા વધારે છે સપના.
એની આંખ પર થી ઍવુ નથી લગતુ તમને,
કે ઍ સર્જે છે સપના, વિચારે છે સપના.
પછી સોળ વરસ ના કૌંમાયૅભંગની જેમજ,
શરૂ-શરૂ ના વખત ના સંભારે છે સપના.
અને ઍ હોડી બની જવાનુ મૂલતવી રાખે છે
ક્યા લાંગરે? બધ્ધાતો કીનારે છે સપના.

-પાર્થ

Read Full Post »

વેદનાઓ રડતી નથી – મો ફાટ

ધીમા ડૂસકા ભરી લે છે.

જ્યારે

જિંદગી અંગેની સભાનતા

અર્થહિન બનતી જાય ત્યારે…

તમારી ખુશીની સવારોની સામે….

મારી પાસે છે,

એકલી સાંજોની

થીજી ગયેલી સ્તબ્ધતા

ને..

પાનખરના ખરી ગયેલા પાનના

ધીમા ડૂસકા..

કે છૂટા પડવાની વેદના

રડી શકાતી નથી

– મો ફાટ

-પાર્થ

૧૩ જૂન ૧૯૯૯

Read Full Post »

Older Posts »